ES | EU
Gobierno Vasco

 

INTRANET IBARREKOLANDA

INTRANET BERRIA



 

 


 

IBARREKOLANDAKO MOODLE

 

 

 


 

LIBURUTEGIKO KATALOGOA
 


 

IBARREKOBLOGAK

 


 

IRADOKIZUNAK ETA KEXAK

 


ORLAK

 


 

aja-rof

______________________________________________________________

 

PUBLIZITATE GRAFIKAN SARTZEKO ARGIBIDEAK

Publizitate grafikako goi mailako zikloan sartzeko sarrera frogen informazio guztia esteka honetan ikusi daiteke: HEMEN

BATXILERGOKO MATRIKULA EGITEKO INFORMAZIOA

Hemen dituzue 1. eta 2. batxilergorako aurrematrikula egiteko agirien estekak: 

ADI!! SAKATU IRUDI HONETAN MATRIKULA ON-LINE EGITEKO, LEHENENGO ALDIA BA DA BERTAN “IZEN-EMATEA” JARTZEN DUEN ESTEKAN SAKATU ALTA EMATEKO:

 

 

MATRIKULAZIO AGINDUA 18-19

BATXILERGO 1. MAILA AURRE MATRIKULA ORRIAK

BATXILERGO 2. MAILA AURRE MATRIKULA ORRIAK

EGUTEGIA ETA JARRAIBIDEAK.AURRE MATRIKULAZIOA

PUNTUAZIOAK BIZILEKUAREN GERTUTASUNARENGATIK

IBILBIDEAK DBH-TIK BATXILERGORA 18-19

OOG-EK EMANDAKO PUNTUAZIOA

INSKRIPZIO ORRIA

BEHAR DEN DOKUMENTAZIOA

MARÍA SKLODOWSKA CURIE ERAKUSKETA

Kultura Zientifikoko ikasleekin EHU-ko Bizkaia Aretoan dagoen Marie Curie-ri buruzko erakusketa ikustera joan gara. Bere bizitza eta egindako lana ezagutzeko aukera izan dugu. María izan zen lehenengo pertsona bi Nobel Sari jaso zuena, bi arlo desberdinetan, Fisikan eta Kimikan. Zientzia, gizartea hobetzeko izan behar dela sinesten zuen eta horretan eman zuen bizitza.

EMAKUME ETA NESKATO ZIENTZILARIEN EGUNAREN INGURUKO HITZALDIAK

Egun honekin lotuta, martxoan eta apirilean,  Filosofia sailak antolaturik, Deustuko unibertsitateko NeurLab-ek antolatutako HITZALDI BATZUK  izan ditugu  

IES IBARREKOLANDA institutuan.

Agurne Sampedro Calvete-k, ikerlari eta Deustuko Unibertsitateko psikologia doktoratu ikaslea, PSIKOLOGIA ikasle talde ezberdinetan hitzaldiak eman zituen gai hauei buruz:

-Ikerkuntza Neuropsikologian

-Emakume zientzilarien rola psikologian

Informazio gehiago izateko klikatu irudian:

LANDATUR 2018

Apirilean DBH2.mailako ikasleekin LANDATUR programaz hemengo nekazaritza eta abeltzaintza ustiapenak bisitatu ditugu. Bertoko eta kalitatezko produktuak ekoiztea da honen helburua. Busturiako AMUNASTEGI txakolindegia, Kortezubiko NANIKE baserria eta Arratzuko INTXAUSTI kiwien ekoizpena bisitatu genuen. Anton,Jacqueline eta Maitek harrera ezin hobea egin eta oso ondo azaldu ziguten eurek egiten duten lana. 

HAZI fundazioak antolaturiko ekintza da eta benetan interesgarria. 

Piedad albaitariak lagundu eta azalpenak eman zizkigun. Mila esker!

Informazio gehiago:

http://www.hazi.eus/eu/

Interesatuta egonez gero salmenta zuzena egiten dute:

http://www.amunategi.eu/

http://nanike.es

http://www.kiwisintxausti.com

3. DBH BILBOKO ERRIBERAKO AZOKAN

Ibarrekolanda BHI-ko  3. DBH-ko ikasleak, martxoaren 28an,  Bilboko Erribera azokara bisita gidatu batera joan ziren: bertan,   hainbat azoka-postu, bertoko elikagaiak, baserriko elikagaiak zein dendari ezagutu, eta, oro har, Bilbon  azokak duen garrantziaz ohartzera.

1. DBH SOLLANO - ZALLAKO ARAZTEGIAN

Martxoaren 27an, Ibarrekolanda BHI-ko 1 DBH-ko ikasleak Sollano-Zallara joan ziren; bertan dagoen araztegia bisitatzera.

Araztegiaren jarduera eta funtzionamendua ezagutzeko aukera paregabea. Ikasi, ura dastatu eta ongi pasatu zuten.

PUBLIZITATE GRAFIKAKO ATE IREKIAK

Kaixo, urtero bezala Ibarrekolanda Institutoan, ate irekiak ospatuko dira Publizitate Grafikan.

Gustura hartuko zaiteztegu gure egoitzan hainbat lanen erakusketa ezagutu dezazuen.

Datorren Apirilaren 11, 12, eta 13an, goizeko 11:15etatik, 13:15 etara.

DBH IZOTZ PISTAN

Aurten ere DBH-ko ikaslego guztiarekin Izotz pistara joan gara eta han  primeran pasatu genuen ematen dizkiguten bi orduak guztiz aprobetsatuz!

Sakatu irudian bideoa ikusteko:

 

ZERGAITIK EZ? BIDAIA 2017-18

Urtarrilaren hirugarren astean, 2. Batxilergoko ikasle talde batekin, ahalegindu ginen XV eta XVIko euskaldunen bizimodua ezagutzen hiru eguneko bidaian: itsasaldien abenturak, baleen ehiza, meategien uztiaketa, Inkisioaren epaiketa Zugarramurdin...Garai hartako herritarren ahalegina eskubide gutxi batzuk aldarrikatzeko jauntxo eta elizari oinarria izan da gaurko hiritarren egoera aztertzeko.

Primeran pasatu eta gure inguruko hainbat gauza ikasteko bidai galanta izan da!

Esteka HONETAN Deustuko Prest aldizkarian argitaraturiko artikulua ikusi ahal duzue.

1. DBH MADARIAGA DORREAN

Abenduaren 20an DBH1 mailako ikasleak, Biologia eta Geologiako ikasgaian, Urdaibaiko Dorre Madariagara hurbildu ziren bertako bioaniztasuna eta padura ezagutzera.

GURE IKASLEEN GIZA ESKUBIDEEN ERAKUSKETA

Urtarrilaren 15tik 30ra Arte Batxilergo eta Publizitate Grafikako ikasleek Giza Eskubideei buruzko egindako artelanak eta kartelak ikusteko aukera dugu San Inazioko udaltegian. Erakusketa hau IS&CA-Erasmus+ proiektuaren barruan antolatutako jarduera bat da. Sakatu irudan bideoa ikusteko:

ANTZERKI BELTZA NAHIA ETA UDARAREN ESKUTIK (TARTANGA)

Pasa den abenduak 17-an Ibarrekolandan Tartangako ikasleen bisita jaso genuen. Antzerki beltza motako hiru antzezlan labur eskeini zizkiguten. Bertan Nahia eta Udara zeuden gurekin Batxilergoa egin zuten bi ikasle. Oso interesgarria izan zen mota horretako antzezlanak lehenego aldiz Ibarrekolandan ikustea. Mila esker!

3.DBH AZTERKOSTAN

DBH3.mailako ikasleekin Getxoko Arrigunaga hondartzara joan ginen abenduan Kostaldearen egoera aztertzeko eta ur-laginak hartzeko.

AZTERKOSTA proeiktuan parte hartzen dugu duela urte batzu, gure ingurua ezagutzeko aukera dugu horren bidez.

Klikatu irudian argazki guztiak ikusteko:

1. BATXILERGO ZIENTIFIKOA UDAL LABORATEGIETAN

Aurten ere, Batxiler Zientifikoko 1.mailako ikasleekin Udal Laborategiak bisitatu ditugu. Bertan, aintzinako Harino Panadera lantegiko tresnak ezagutu ditugu, Biologia eta Kimikako saiakuntzak egin eta Mikrobiologia eta Kimikako laborategien bisitatu ditugu.

Oso interesgarria!

Argazki guztiak ikusteko klikatu irudian:

EUSKARAREN EGUNEKO FLASH MOB-A 2017

Euskeraren eguna ospatzeko aurten ere Flash Mob bat egin genuen pasa den abenduak 4-ean. Azkenengo momenturarte eta euria zela eta, ez genuen erabaki kontserbatoriora joatea. Azkenean eta euriaren bahimenarekin, Flash Mob-a egiteko aukera izan genuen. Guztioi esker primeran atera zen!! Mila esker!!

Klikatu irudian bideoa ikusteko

ENEKURIRA IGOERA 1. DBH-KO IKASLEEKIN

Azaroak 9an, 1 DBH-ko ikasleak Biologia-Geologia orduetan Enekurira igo ziren. Bertatik, Nerbio-Ibaizabal itsasadarraren ikuspegia eta paisaia zirraragarria behatzera eta aztertzera.

Ibarrekolanda - Enekuri - Elorrieta - Ibarrekolanda gira-bira egin zuten. Eguraldi eguzkitsua lagun, bizpahiru ordutan ikasi eta gozatu egin zuten.

Klikatu irudian argazki gehiago ikusteko:

PUBLIZITATE GRAFIKAKO 2. MAILAKO IKASLEAK BILBAO DESIGN WEEK-EAN

Aurreko azaroaren 21ean, Publizitate Grafikako bigarren mailako ikasleek Bilbao Design Week barruan antolatutako OpenStudio jardeuran parte hartu zuten. Egun osoan estudio desberdinak bisitatu ahal izan genituen hirian zehar. Parte hartu zuten diseinu estudiak hauek izan ziren:  Angelica Barco, Hopper Ink, Aerre Design, Vudumedia, Maraka, Zorraquino, Flow eta CrisisCreativa.

IBARREKOLANDAKO IKASLEAK DON PASQUALE OPERAREN ENTSEGUETAN

Azaroaren 15ean, Publizitate Grafikako eta batxilergoko 2E mailako ikasle batzuk Don Pasquale operaren entsegu orokorra ikustera gerturatu ginen Euskalduna Jauregira.

Saioa hasi baino ordu erdi lehenago kamerinoak bisitatu ahal izan genituen.

Aurreko urteetan bezala, esperientzia oso positiboa izan da ABAO programa didaktikoa kudeatzen duten pertsonen lanari esker.

 

MEMORIA PLAZA

Pasa den asteartean, azaroak 28, batx. 1.F eta H-ko Historia Garaikide ikasleek "Memoria Plaza" izeneko erakusketan parte hartu zuten, Barakaldon. Gogora erakundeak antolatuta, azken urteotan gure herrian bizi izan dugunaren memoria anitzak erakustea, horien gaineko gogoeta eragitea eta memoria desberdinak jasotzea zen helburua. Hunkigarria eta oso baliagarria historia hurbila hobeto ulertzeko.

ARTEETAKO 1. MAILAKO IKASLEAK BERREGINEN MUSEOAN

Azaroan Arte Batxilergoko 1.mailako ikasleak Bilboko Berreginen museora joan ziren. Argazkian ikusi ahal den moduan visita oso ondo aprobetxatu zuten.

KULTURA ZIENTIFIKOKO IKASLEAK ZIENTZIA ASTEAN

Azaroan, Bizkaia Aretora hurbildu ginen Zientzia Astean bisita gidatua egitera Kultura Zientifikoko ikasleekin. Han bizidunen ezaugarriak, mikroorganismoen garrantzia, drogen eragina eta emakume zientzilarien lana ezagutu genuen.
Ikasleek positiboki baloratu arren, patxada handiagoz egin beharreko ekintzak direla ere aipatu zuten.

 

IS&CA GREZIAN

Hilabete honetan IS&CA Erasmus + programaren barruan, 1. Batxilergoko 8 ikasle eta bi irakasle Grezian egon gara. Pirmeran pasatu dugu eta esperientzia ezin hobea izan da. Gogoratu apirlirean programa osatzen duten herrialde guztietako Bisita jasoko dugula.

Irudi gehiago ikusteko sakatu argazkian:

1. BATXILERGOAN SURF IRTEERA

Urtero bezala gure batxilergoko 1.mailako ikasleak surf egitera joan dira Sopelara. Aurten ere primeran pasatu dugu eta gure kostaldean egiten den kirol bat frogatu ahal izan dugu.    

Irudian sakatu bideoa ikusi ahal izateko:

 

 

BATXILERGO 2E ARTE EDERREN MUSEOAN

Pasaden ostirala, urriak 27a,  batx. 2.Eko ikasleekin joan ginen Arte Ederren museora Alicia Koplowitz bilduma ikustera. Gida bat izan genuen eta artelan asko egon dira: Goya, Madrazo, van Gogh, Gauguin, Toulouse-Lautrec, Modigliani, Picasso, Gris, Mondrian, de Kooning, Rothko, , Bacon, Freud, Stella, Warhol, Kiefer, Antonio López, Tapies, millares, Oteiza, Chillida…

Arte panorama zabal bat ikusi dugu, kurtso honetan ikasgelan landuko duguna. Oso ondo egon da.

11 EGUN EUSKARAZ

11 egun euskaraz da kanpaina bat azaroaren 23tik Euskararen Egunera arte (abenduaren bira) martxan jarriko duguna ahalik eta ikasle gehienarekin. Kanpaina Deustu aldean gauzatuko da aurten eta Bilbo osoan hurrengo urtean. Ekimena maila desberdinetan gauzatu daiteke, batzuk ahobizi eta besteak belarriprest, eta pertsona hurbilekin gure hizkuntza aukeraketa eraldatzean datza: lankide, familiakoak, auzokide eta lagunen artekoa.  

Hainbat herrialde txikietan gauzatu da arrakasta handiz, baina sekula ez Deustu moduko auzo erraldoi batean. Gu Ibarrekolandako normalkuntzakoak animatu gara honetan parte hartzeko eta zuei ere animatzen zaituztegu, hiztun txikiak handi izan daitezkeelako hizkuntzaren ekologiaz kontziente direnean. 

HEMEN duzue informazio gehiago eta apuntatzeko dokumentua. 

Eta 11 egun eta gero, ea zenbatekin gai garen beste guztietan ere euskaraz jarraitzera, hori baita bidea belarriprest direnak ikasteko eta ahobizi direnak dakitenak mantentzeko.

 

CINE INVISIBLE - FILM SOZIALAK: ZUZENDARIEN BISITA ETA AIPAMEN BEREZIA

Pasa den ostegunean urriak 26, Ibarrekolandan aurtengo zinema ikustezinean parte hartu duten hiru zuzendarien bisita izan genuen:

-Merve Cirisoglu, “The box”,Turkia

-Nathalia Orozco, “El silencio de los fusiles”, Kolonbia

   

 

 

 

 

 

 

 

 

 

Bestalde aurtengo zinemaldiaren amaieran Ibarrekolanda BHI-ri buruzko aipamen berezi bat egin zen, hemen daukazue:

Komunikazioa gizarte aldaketa eragiteko tresna modura erabiltzearen aldeko konpromisoagatik, eta azken bost urteetan Bilboko “Film Sozialak” Zinema Ikusezinaren Nazioarteko Jaialdiarekin zein GGKE KCD-k antolaturiko beste ekintza batzuekin gauzaturiko elkarlanarengatik. 


IS&CA ERASMUS+ LETONIAN

Gure ikastetxeko ikasle eta irakasleak aste bete Letoniako herri batean (Slampe) egon gara Erasmus+ proiektuko elkartrukeetariko batean.
Esperientzia paregabea non 7 herrialdeetako ikasle eta irakasleekin batu garen batera lan egiteko eta bizimodua eta kultura ezagutu eta bizi ahal izateko.

 

IBARREKOLANDA BHI IKASTEXEKO DBH-KO GURASOENTZAT FORMAKUNTZA

Helburua:Ibarrekolanda BHI ikastexeko familiek, profesional  batek gidatuta, beraien seme alaben hezkuntza prozesuan agertzen diren zalantza eta esperientziak partekatu ahal izatea.

Formakuntza gaiak eta egunak:

-2017. urteko Azaroak 6: La comunicación eficaz con los adolescentes: la escucha y los espacios en familia.

-2017. urteko Abenduak 11: La familia como espacio de educación emocional.

-2018. urteko Urtarrillak 10: Gestión de conflictos en la adolescencia.

-2018. urteko Otsailak 7: Cómo actuar si creo que mi hijo o hija está consumiendo drogas.

-2018. urteko Matxoak 7: Adolescentes y redes sociales.

-2018. urteko Apirilak 11: Seguridad y prevención de riesgos frente a las nuevas tecnologías

-2018.urteko Maiatzak 2: Educar en valores: ¿qué ideas y costumbres estamos trasmitiendo?

Hizlariak:

Gai guztiak Sendoa Gómez Guerra-k garatuko ditu (Instituto Sôma), drogen formakuntza izan ezik, kasu honetan ADOS izango da arduraduna (Jorge Madariaga eta Mariñe Soto).

Ordua eta lekua:

Ibarrekolanda BHI arratsaldeko 18:30 tatik 20:00ak bitartean

Antolatzaileak:

Ibarrekolanda BHI, BIGE gurasoen eskola eta Negociado de Drogodependencias del Ayuntamiento de Bilbao.

CINE INVISIBLE - FILM SOZIALAK 2017

 

 

 

BADATOR!

Aurten ere IES Ibarrekolanda BHI

CINE INVISIBLE - FILM SOZIALAK

 zinemaldiaren egoitza izango da.

5. ikasturtea gurekin ... 

Urriak 

18,19,20, 23 eta 24

Lekua :  Areto nagusia.

 

Ordutegia, 08:00-15:00
 

 

 

 

 

HEMEN DUZUE BIDEO PROMOZIONALA

 Esku progama ikusteko HEMEN

Ikasleek emandako botoen taula hemen ikusi ahal duzue: TAULA

SERIFALARIS 2017

Aurreko astean, urriak 20 eta 30, Publizitate Grafikako ikasle eta irakasle Getxon ospatzen den Serifalaris izeneko diseinatzaileen topaketara joan ginen. Bertan gure ikasleek hainbat hitzaldi entzun zituzten non profesionalen lana nolakoa den ezagutzeko aukera izan zuten. Zikloko ikasleoiak ere topatu genituen. Hauetako askok diseinuarekin erlazioa duten hainbat lanetan ari direla komentatu ziguten gure pozarako.

EUROPAKO IKERLARIEN GAUA

Pasa den astean Bilbon Europako Ikerlarien Gaua ospatu da. Hitzaldiak, tailerrak eta lehiaketak antolatu dira Deustuko Udaltegian. Gure artean Jon M. Mattin, Euskal Herriko Unibertsitateko irakaslea eta ikertzailea egon zen. Hitzaldia eta esperimentuak egin zituen gure Batxilergo Zientifikoko 2.mailako ikasleekin egon zen. Interesgarria benetan eta errepikatzeko modukoa.

Argazki guztiak ikusteko klikatu hurrengoan:

ARRANO ARRANTZALEA AURRERA DOA!

Aurten berriro ere ARRANO ARRANTZALEA babesteko proiektuan parte hartu dugu. DBH3.Mailako ikasleekin Urdaibai Bird Center-era joan ginen bisitan. Arrano Arrantzaleak egiten dituen migrazioak ezagutu eta padurako ur hegaztiak ikusteko aukera izan genuen. Oraingoan ere ARRANO ARRANTZALE bat ikusteko aukera izan genuen. Frantziatik Senegalerako bidean Urdaibain atsedena hartzen ari zen. 

A zelako sorpresa!

Eguraldi kaxkarra zenez, Gernikara abiatu ginen eta hango azoka ikusteko aukera izan genuen ere bai. Bertan bazkaldu eta etxera! 

Bisitaren argazkiak ikusi ahal izateko klikatu hurrengo argazkian:

PUBLIZITATE GRAFIKAKO IKASLEAK GETXOPHOTO-N

Joan den osteguna irailak 21ean, Publizitate Grafika Zikloko ikasle eta irakasleek Getxophoto Nazioarteko Irudi Jaialdia bisitatu zuten.

 

 

EATHINK PROIEKTUAREN BILERA VIENAN

Dakizuenez gure ikastetxea Eathink proiektuan parte hartzen du. Gure lankidea Ainhoa Correa Vienan dago proiektuan parte hartzen duten beste herrialdetako arduradunekin, ideia berriak eta esperientziak partekatzen. Bueltatzen denean gehiago kontatuko dizuegu. 

Eathink proiektuari buruzko informazioa HEMEN

 

KURTSO AMAIERAKO IRTEERA 1. ETA 2. DBH

Pasa den asteartean ekainak 20, 1. Eta 2. Mailako ikasleekin Plentziatik Sopelanarainoko ibilaldia egin genuen. Eguraldi ederraz gozatu genuen eta hondartzan bainu freskagarri batekin amaitu genuen eguna. 

Argazki guztiak ikusteko sakatu irudian:

JAKOBA ERREKONDO GURE IKASTETXEAN

Ekainaren 13an Jakoba Errekondo aditua izan genuen gure artean BARATZAri buruz taillerra emateko. Irakasle eta ikasle talde politak parte hartu zuen tailer honetan eta hainbat gauza ikasi gero gure ortuko lanean praktikan jartzeko eta arlo desberdinetan garatzeko ideia berriak ere proposatu zigun Jakobak.
Animo eta parte hartu!
TAILERRA EATHINK PROIEKTUAREN LAGUNTZAZ EGIN DUGU.

Informazio gehiago:
www.eathink2015.org
www.bizibaratzea.eus

 

ORLEN GALA 2017

Pasa den maiatzak 30-ean 2. Batxilergoko orlen banaketaren gala egin genuen. Momentu bereziak eta giro aparta bizi izan genuen (irakasleen playback sorpresa eta guzti). Zorionak guztioi eta mila esker egun hori posible egin zuten irakasle eta ikasle guztiei.

Galaren laburpen bideoa: HEMEN

Irakasleen sorpresaren bideoa: HEMEN

Bi urte hauen laburpen bideoa HEMEN

2. mailako bideoklipen mix bat: HEMEN

 

IBAIALDE 2017

Batxiler Zientifiko  eta DBH 4.mailako ikasleekin atzo, maiatzaren 3an, Bolintxu errekara hurbildu ginen hango ekosistema aztertzera eta ur-laginak hartzera. Ibaialde programan parte hartzen dugu duela urte batzuk eta aukera ona da hainbat arlotan ikasitakoa praktikan jartzeko.

Ingurua eta uraren kalitatea azken urteotan hobetzen ari da. 

Honekin batera Ibaialde Marrazki eta Argazki Lehiaketan parte hartzen animatzen zaituztegu. Nola parte hartu jakiteko sakatu HEMEN

PARISEKO BIDAIA 2017

Aurten ere, eta ohitura onak ez galtzearren, Batxilergoko 1. Mailako ikasleak Paris bistatzera joan dira. Primeran pasatu dute Aitor Etxebarria irakasleak egindako bideo honetan ikusi ahal dugun bezala:

KORRIKA GURE IKASTETXEAN! BAIETZ 80KM!!

Duela bi urte egin genuen moduan, aurten ere Korrikari harrera berezia egin diogu gure ikastetxean. Aurtengo erronka 80Km denen artean egitea, lortu genuen edo ez jakiteko ikusi hurrengo bideoa:

 

 

BATXILERGO 2. MAILA BEHATOKI ASTRONOMIKOAN

Batxiler 2.mailako Fisikako ikasleekin Ingenieritza Eskolan dagoen Behatoki Astronomikora joan ginen, pasa den otsailaren 23an. Oso gustora egon ginen eta bisita luzatu zuen gure galderak erantzuten. Hau dela eta ondorengo egunetan gaueko behaketa egiteko aukera izango dugu. Eskerrak eman hango lan-taldeari egindako harreragatik. Egiten duten lanari buruzko informazio gehiago: http://www.ehu.eus/aula-espazio

IBARREKOLANDA TURKIAN! ERASMUS + PROGRAMAREN ESKUTIK

Ibarrekolanda BHI Erasmus+ IS&CA Proiektuan parte hartzen du ta otsailean Turkia bisitatu dugu, oso esperientzia aberasgarria eta interesgarria izan da guztiontzat.

Hona hemen bideoa:

 

© Ies Ibarrekolanda bhi
Telefonoa: 944477016 | ibarrekolanda@ibarrekolanda.net